යන්නයි යන්නෙ නිවාඩු.....

හහ්...............


කාලාන්තරේකින් සිරිබිය බ්ලොග් පෝස්ට් එකක් ලිව්වෙ නෑ.මතකනම් නෑ කවදද අන්තිමට මොනවත් කුරු‍ටුගෑවෙ කියල.ලියන්ඩ කියල දේකුත් සිරියගෙ හිතට අවෙත් නෑ.බ්ලෝග් එක පැත්තෙ ගියෙවත් නෑ.හැබැයි බ්ලොග් පෝස්ට් කියවන එකනම් දිගටම කරගෙන යනව.ඒත් මේ දවස්වල සිරිය ආසාවෙන් කියවපු බ්ලොග් දෙකක්ම නිකන් උඩින් පල්ලෙන් කියවල ක්ලෝස් කරල දානව.එකක් තමයි කතන්දරකාරයගෙ බ්ලොග් අඩවිය.අනික තමයි අරුනි ශපිරෝ වෙතින්.මට නොතේරෙන මොකක්දෝ දෙයක් නිසා ඒ දෙකම කියවන එක මාර බෝරිං කියල හිතෙනව.මට නොතේරෙන ඒ හේතුව කාටහරි තේරෙනවද දන්නෙ නෑ.

ඉතින් සිරිය අද ලියන්ඩ හිතුවෙ ඇයි...?
සිරිය මාර මානසික පීඩනයකට අහුවෙලා ඉන්නෙ.මොකද සිරිය යනව ලංකාවට මාස දෙකක නිවාඩුවකට.දෙසැම්බර් මුල තමයි යන්නෙ.මේපාර වෙනදට වඩා හිතට කරදරයි.සිරියට නිවාඩු යන්ඩ තිබ්බෙනම් නොවැම්බර්.ඒක මාසයක් පස්සට දාන්ඩ සිද්දවුනා.ඒකනම් මාර ගොන් අයිඩියා එක නිසාතමයි එහෙම උනේ.මොකද සිරියට මේ නිවඩුවෙ කරන්ඩ ගොඩක් දේවල් තියනව.පලවෙනි එක තමයි සිරිය හිතගෙන ඉන්නව මේ පාර ලංකාවෙ සැහෙන තැන්වල ඇවිදින්ඩ.ඒකට "දුනිත" පුතයි අම්මයි අනිවාර්‍යෙන්ම එකතුවෙනව.ඒ විදියට මාසයක් ඇවිදල දෙසැම්බර් අන්තිමට සිරිය දැන් අවුරුද්දක් තිස්සෙ කරන්ඩ හිතගෙන ඉන්න ශල්‍යකර්මෙ කරගන්ඩ තියනව.ගෙදර යද්දි ගෙදරට අවශ්ය කරනම බඩුයි.තෑගියි ඔක්කොම බලංගියාම ලක්ශ 3-4කින් මෙහා සිරිය ගොඩයනව බොරු. සිරිය ගේ හදන්ඩ ගත්ත නයවලින් අමාරුම හරිය ඉවරවුනගමන්ම නිවාඩු සෙට් උනනිසා ඉතුරුකරපු සල්ලියක් තිබ්බෙත් නෑ අතේ.ඒ අතර සිරියට අවුරුදුගානක ඉදල තියන උනක් හොදකරගන්ඩත් තියනව.ඒකතමයි අර උඩින් තියන පිස්සු ගොං අයිඩියා එක.ඒකතමයි සිරියට ඩී.එස්.එල්.ආර් කැමරාවක අයිතිකාරයෙක් වෙන්ඩ තිබුනු ආසාව.ඒකනිසා සිරිය තීරනය කලා තව මාසයක් නිවාඩුව පස්සට දාල කැමරාවත් අරගෙනම තමයි මේපාර යන්නෙ කියල.මොකද සිරියගෙ හිත කිව්ව,

"පුතේ උඹ මේපාර ගත්තෙ නැත්තම් තව අවුරුදු තුනකටවත් ඒක ගන්ඩ හම්බවෙන්නෙ නෑ .."

කියල.ඉතින් සිරිය නිවාඩුව කල්දැම්ම.මේ පෝස්ට් එක ලියනකොට සිරිය ඩී.ඒස්.එල්.ආර් කැමරාවක අයිතිකාරයෙක්.ඒකට ඕක තව පොඩි පොඩි අඩුම කුඩුම ටිකහොය හොය සිරිය මේදවස්වල කඩවල්ගානෙ යනව. එතකොට තේරෙනව නේද කැමරාවට තිබ්බ ආසාව සිරියගෙ.

ඉතින් තෑගිභෝගත් ගොඩක්දුරට අරගෙන ඉවරයි.කාට කාටත් මොනව මොනවහරි අරන්යන්ඩත් ඕන නිසා තව ගන්ඩත් තියනව බඩු.ඒකට අතේතියන සල්ලි ඇත්වෙයිද මදිවෙයිද කියල සිරියට මාර මානසික පීඩනයක් තියෙන්නෙ.අනිකතමයි ඔ‍ෆිස් එකේ වැඩ.මොනවත් ඔලුවට වැටෙන්නෙ නෑ.මේ බලපු දේ මේ මතක නෑ.එකපාරක් කරපුදේ තවපරක් කරනව.එතකොටවත් මතක්වෙන්නෙ නෑ මම මේක එකපාරක් කරානේද කියල.එච්චරටම මොලේ අවුල්වෙලා සිරියගෙ.ඒක පීඩනයද අවපාතයද කියලවත් තේරුම් ගන්ඩ බෑ සිරියට.

ඉතින් වැඩ එපාවෙලා දැන් සතිගානකින් සිරියා හරිහමන් වැඩක් කලේ නෑ ඔ‍ෆිස් එකේ.බොරුව කරකර.බෝල පාස්කරකර ඉන්නව.මොකද සිරියට බෝලිං හොදට පුලුවන්.සිරියගෙ බෝලිං මුරලිගෙයි මාලිංගගෙයි සංකලනයක් කියල හිතගන්ඩකො.සිරියගෙ බෝල වලට ෆේස්කරන එක එච්චර අමාරුයි.ලොක්කොත් ගොඩක් වෙලාවට "කඩුල්ල මුවාකිරීමට" අහුවෙනව සිරියගෙ බෝලවලට.ඒත් ඉතින් වැඩක් කෙරෙන්නෙ නැති එක ගැනනම් හිතට අමාරුයි.

ඉතින් ඔයටික කියන්ඩ තමයි මේක ලියන්ඩ හිතුවෙ.ආයෙනම් කවදා ලියන්ඩ හම්බවෙයිද දන්නෙ නෑ...