මස්, මාළු, කිරි, බිත්තර...

අද ලන්ච් බ්‍රෙක් එකේදි ඔන්න කට්ටියම සෙට්වෙලා කෑම බීම හෙම බෙදාගෙන කන්න පටන්ගත්ත. මගේගාව තිබුන මස් වගයක් උයල.සතා තමයි "හරක".

මගෙ යාලුවෙක් දවසක් කිව්ව මතකයි මෙහෙම කතාවක්,

"මෙහෙ මචන් හරක් හදන්නෙ මසට, ඒක නිසා කෑවට පව් නෑ බං,
ලංකාවෙනම් පුලුවන් තරම් වැඩ අර්ගෙන අන්තිමට මරනව, ඒකන්ම් පව් වැඩේ"

ඒ කතාව කොච්චර දුරට සාධාරනද කියල මම තර්ක කරන්ඩ ගියෙ නෑ, මොකද තර්ක කර කර හිටියනම් කන්ඩ වෙන්නෙ නෑනෙ.හබැයි මෙහෙ (U.A.E) හරක්නම් ඉපදෙන්ඩත් කලින්ම මස් රාත්තලට ගාන තීරනය කරල ඉවරයි. හරි කමක් නෑ ඒක එයාගෙ ප්‍රතිපත්තිය.මගේනම් එහේම ප්‍රතිපත්තියක් නෑ.මස්, මාළු, කිරි, බිත්තර, චීස්, බටර් ඕන දෙයක් කනව. වැඩිය හිතන්නෙ නෑ.අර කලින් කියපු යාලුවත් එහෙමයි.හැබැයි තව යාලුවෙක් ඉන්නව මස්, මාළු, කරවල, බිත්තර කන්නෙනෑ කිරි බොනව චීස්, බටර් කනව.

ඌ "වෙජිටේරියන්ලු".

එතකොට "කිරි, චීස්, බටර් හදන්නෙ එලවලු තම්බලද..?" කියල මම ඇහැව්ව.

ඌ කියනව ඒව හදන්ඩ සත්තු මරන්නෙ නැතිලු.එතකොට සතාගෙ පැටියට බොන්ඩ තියන කිරිටික උදුරල චීස් හදපුවම අව්ලක් නෑ මම හිතන්නෙ.හරි ඒකත් එයගෙ ප්‍රතිපත්තිය.
තව යාලුවෙක් ඉන්නව සේරම දේවල් කනව හැබැයි "හරක්මස්" කන්නෙ නෑ.
විහිලුත් කරනව ඉතින් සමහර වෙලාවකට, ඉතින් "හරක්" මස් කන්නෙ නෑ නේන්නම් කියල.
මිනිහගෙ තියෙන්නෙ වෙනම ප්‍රතිපත්තියක්.මිනිහ හරක් මස් කාලම නැතිලු ජීවිතේටම.
ඒකනිසා කන්ඩ අප්පිරියයිලු.ම්ම්ම්ම්......මර වැඩක්නෙ?....මිනිහ "ඌරුමස්"කනව.පොඩිකාලෙ ඉදලම ඌරුමස් කනවලු.ඒකටනම් මොනවත් වැ‍රැද්දක් කියන්ඩ බෑ.පුරුදු නැති මස් කන්ඩ මම උනත් දෙපාරක් හිතනවනෙ.අනික ඔය කොරියාව, පිලිපීනය, කාම්බෝජය, මැලේසියාව, චීනය, ජපානය වගේ රටවල සර්පයින්ව, බල්ලන්ව, පූසන්ව, ගොලුබෙල්ලන්වකනව කිව්වම මටත් අප්පිරියයි තමයි.ඒවගේ රටකට ගිහින් කිව්වොත් මම මේව මේව කන්නෙ නෑ කුකුලයි, හරකයි, ඌරයි විතරයි කන්නෙ කියල ඒ මිනිස්සුවුනත් හිතයි මොන පිස්සෙක්ද මේ ? කියල.මොකද එයාලට සර්පයින්ගෙයි, බල්ලන්ගෙයි, පූසන්ගෙයි, ගොලුබෙල්ලන්ගෙයි, හරකුන්ගෙයි,ඌරන්ගෙයි ලොකුවෙනසක් නොදකින නිසා.මොකද සේරම සත්තුනෙ.

මම මේ ලඟදි දැක්ක පත්තරේක තියනව කොහෙද මන්ද හෝටලේක දවල්ට කෑමට තිබ්බ කංකුං ඩෙවල් එකක නයි පැටව් දෙන්නෙක් ඉදල මාර ජරමරයක් වෙලා.කකා හිටපු මනුස්සයට වමනෙත් ගියාලු(එහෙම ලියල තිබ්බද කියලනම් මතක නෑ).ඒත් ඕක කොරියාව වගේ රටක උනානම් කකා හිටපු කෙනා බොරයක් අදින්නෙ නයි පැටවු දෙන්නෙක් මදි කියල මම හිතන්නෙ.

තවදෙයක් මතක්වුනා මේ කතාවත් සමගම කියන්ඩම ඕන .............

ඔන්න දවසක් යාලුවො කීපදෙනේක් එක්ක ගියා පොඩි අඩියක් එහෙම ගහල නාල කරල පොඩි ආතල් එකක් ගන්ඩ්.මේක සෙට් කලේ "මාළු බැමේ උන" බොහෝම තදේට වැලදිච්ච අපෙ මිත්‍රයෙක්.ඉතින් මමත් සෙට්වුනා වැඩේට, මාළු බාන්ඩනම් නෙවෙයි.මට ඕනවුනේ ගං ඉවුරකටවෙලා පොඩි අඩියක් ගහල වල්පල් ටිකක් කතාකරල ගඟේ නාල ෆන් එකක් ගන්න.
ඔතනට සෙට්වෙලා හිටිය අර මාළු මිත්‍රගෙ තව මාළු සගයෙක්.මිනිහ තමයි මාළු බෑමේ ප්‍රොෆෙෂනල් මෑන්.

ඔන්න මුලින් අපි ගෙනිච්ච ලට්ට පට්ට එක්ක කට්ටියම ඉවුරෙ වාඩිවෙලා පොඩි පොඩි අඩි තිය තිය බෝතලේ හිස් කරනව.ටිකකින් මාළු යාලුවො දෙන්න බැස්ස වැඩෙට.කොහෙන්ද හොයන් ආපු දැලකුත් උස්සං දෙන්න බැස්ස ගඟට. මෙන්න පැයකින් විතර එනව මාළු කිලෝ 4-5 ක් අරගෙන.

"යකෝ කාට කන්ඩද ඔච්චර මාළු" කියල අහපි යාලුවෙක්.

"අපිට තමයි" මාළු යාලුව කියනව.

"වැඩි නැද්ද" තව එකෙක් අහනව

"ආ ...මදිවෙයිද කියල අහපන් යකෝ" මාළු යාලුව කියනව.

ඔන්න කට්ටියම පොඩි සපෝට් එකක් එහෙම දීල දැන් "මාළු බාබකිව්" දානව.බෝතල් දෙක තුනක් ඉවරවෙනකොට කට්ටියට හොද ගනන්.මාළුත් පුලුවන්තරම් කාලත් මාළුවො 10-15ක් ඉතුරුයි.කට්ටියටම මාළු කාල එපාවෙලා.මාළු පුච්චන එක නැවැත්තුව.

"දැන් යමුද?"එකෙක් අහනව.

"හා යමු...අර මාළුටික ගනින් ඔතල"එකෙක් කියනව.

"ඔන්න ඕක විසිකරල යමං බං"වෙරිමතේ අපේ මාළු යාලුව කියනව.

"එපා එපා විසිකරන්ඩ"ආයෙම එකෙක් කියනව.

"විසිකරපං බං "මාළු යාලුව,

"එපා බං....උන්ට ගඟේ ඉන්ඩත් නෑ, තොපි කෑවෙත් නෑ, දැන් ඉතින් කාටහරි දෙන්ඩහරි අරං යමං"
වෙරි මතේන් හරි මගෙ යාලුව කිව්ව කතාවගැන මම පහුවෙනිදත් කල්පන කලා.අදටත් සමහරවෙලවට කවුරුහරි තන්හාවට වගේ මස් මාළු ගොඩවල් බෙදාගෙන කාල, කාගන්ඩ බැරිව විසිකරද්දි මට අර සිද්දිය මතක්වෙනව,

ඉතින් කතාව ඉවර කරන්ඩ කලින් තව පොඩි කතාවක් තියනව කියන්ඩ.ඒකෙනුත් කියන්නෙ මොකක්ද කියල ඔයලම තේරුම් ගන්ඩ උත්සාහ කරන්ඩ.මෙන්න මේකයි කතාව.

ඔන්න මෑන් කෙනෙක් ඉන්නවලු, පොරගෙ හෙන....."පොර පාට්ලු."
අර "බොරු ඩීසන්" ජාතියෙ පොරක්.කොහෙ ගියත් පොර හෙන පොර පාට් ලු.
ඉතින් මිනිහ දවසක් බඩගිනිවෙලා යනවලු දවල්ට කන්ඩ.හොද කඩයක් හොය හොය ඇව්දගෙන යද්දි මිනිහ දැක්කලු,

" ඔන්ලි චිකන්"

කියල ඉංග්‍රීසියෙන් ගහල තියනව.අමුතු සීන් එකක් නිසා පොරත් ඔලුව දාල බැලුවලු මොකද කියල.

බලපුවම මේකයි සීන් එක.කඩේ තියන හැම කෑමක්ම කුකුලගෙ මොකක්හරි පාට් එකකින්ලු හදල තියෙන්නෙ.ඉතින් මිනිහ හොද පොර පාට් එකක් දාල අඩගැහුවලු කඩේ කොලුවෙකුට.අඩගහල අහනවලු මෙහෙම.

"ලමය මේක මොනවයින්ද හදල තියෙන්නෙ....?"
"මේක ලිවර් වලින් සර්"
"එතකොට මේක.....?"
"විංස් වලිං සර්"
"මේක...?"
"බ්‍රෙස්ට් වලිං සර්"
බ්ලා...බ්ලා....බ්ලා......පොර ප්‍රශ්න අහනව....කොල්ල උත්තර දෙනව.
ඔහොම අහගෙන අහගෙන පිලිවෙලකට දැන් ගනන් අඩු පැත්තට එනවලු මෑන්.
ඇවිල්ල අන්තිම කෑම තියන තැනට ඇවිල්ල බලනකොට තියනවලු පොඩි පොඩි කලුපාට කෑලි වගයක්.මෑන් අහනවලු,

"මොනවද ලමය මේ....?
"ආ ඕක සර් කුකුලගෙ දිවෙන් හදන් කැමක්"
එතකොට පොර කියනවලු,
"ඈඈ......හ්......ඊයා.......මට ඒව කන්ඩ අප්පිරියයි, මට ඔම්ලට් එකක් දාල ගේන්ඩ" කියල කිව්වලු.

කඩේ ගොලයත් කට අතින් තදකරගෙන යන්ඩ ගියාලු.

කතාව ඉවරයි.....මොකද බලන් ඉන්නෙ....? කතාව ඉවරයි.
තෙරුනේ නැත්තම් මුල ඉදල කල්පනාවෙන් කියවන්ඩ.